ریوڈی جنیرو : برازیل میں پہلی بار ایک دن کے دوران کورونا کے سبب چار ہزار سے زائد ہلاکتیں ہوئی ہیں۔ ہاسپٹلس میں رش بڑھ گیا ہے، صحت کا نظام مفلوج نظر آتا ہے جبکہ بعض شہروں میں علاج کے منتظر افراد کی اموات ہو رہی ہیں۔ طبی ماہرین کے مطابق وائرس کی نئی قسم زیادہ تیزی سے پھیل رہی ہے اور پہلے سے زیادہ مہلک ثابت ہو رہی ہے۔ تاہم اس کے باوجود صدر بولسونارو ملک میں لاک ڈاؤن کے خلاف ہیں اور کئی علاقوں کے گورنر اور میئر معاشی سرگرمیاں بحال کرنے کی راہ پر ہیں۔ برازیل اس وقت دنیا میں امریکہ کے بعد دوسرا سب زیادہ متاثرہ ملک ہے جہاں اب تک تین لاکھ چالیس ہزار زندگیاں وبا کی نظر ہوچکی ہیں۔
