نئی دہلی : بہار میں نتیش کمار کی قیادت والے والے مہا گٹھ بندھن حکومت کو جنگل راج پارٹ۔2 بتاتے ہوئے ، بھارتیہ جنتا پارٹی (بی جے پی) کے رکن ستیش چند دوبے نے ریاستی حکومت سے ریاست میں ہونے والی ہلاکتوں پر تبادلہ خیال کیا۔ اور حالیہ دنوں میں اغوا جیسے واقعات میں اضافے کے پیش نظر ریاست کے مکینوں کو خوف سے آزاد کرنے کی اپیل کی ہے ۔ جمعہ کو راجیہ سبھا میں وقفہ صفر کے دوران یہ معاملہ اٹھاتے ہوئے مسٹر دوبے نے کہا کہ جنگل راج پارٹ-2 بہار میں مہا گٹھ بندھن کی حکومت کے قیام کے بعد ہی شروع ہوگیا تھا۔ پارٹ 1 سال 1990 سے 2005 تک تھا اور اب پارٹ ٹو جاری ہے ۔ اب آئے دن کہیں نہ کہیں قتل، اغوا اور لوٹ مار کے واقعات رونما ہونے لگے ہیں، جس کی وجہ سے لوگوں میں خوف و ہراس کا ماحول ہے ۔ لوگ شام آٹھ بجے کے بعد گھر سے باہر نہیں نکلنا چاہتے ۔ نارکٹیا گنج، بتیا اور بھاگلوپر میں ایک خاتون کے جسم کے اعضاء کاٹ کر قتل کئے جانے کا ذکر کرتے ہوئے انہوں نے کہا کہ اس طرح کے واقعات اب عام ہو گئے ہیں۔ اس کے پیش نظر مرکزی حکومت کو مہا گٹھ بندھن حکومت سے بات کرنی چاہئے ۔
