پٹنہ: بہار کے اقتصادی سروے کی رپورٹ جو منگل کو جاری کی گئی تھی میں انکشاف کیا گیا ہے کہ ریاست میں تقریباً 9 فیصد آبادی عام زمرے کی کی ماہانہ آمدنی 50 ہزار روپے ہے۔ رپورٹس میں کہا گیا ہے کہ 25 فیصد لوگ جوعام زمرے کے تحت ہیں، ان کی ماہانہ آمدنی 6,000 روپے ہے جبکہ 23 فیصد کی ماہانہ آمدنی 6,000 سے 10,000 روپے کے درمیان ہے۔ کم از کم 19 فیصد آبادی کی آمدنی 10,000 روپے سے 20,000 روپے کے درمیان ہے۔ تقریباً 16 فیصد آبادی کی آمدنی 20,000 سے 50,000 روپے کے درمیان ہے اور 9 فیصد آبادی کی آمدنی 50,000 روپے سے زیادہ ہے۔ دیگر پسماندہ ذاتوں (او بی سی) میں، 33 فیصد آبادی کی ماہانہ آمدنی 6,000 روپے ہے۔ ان میں سے کم از کم 29 فیصد کی ماہانہ آمدنی 6,000 سے 10,000 کے درمیان ہے۔
کم از کم، 18 فیصد آبادی کی آمدنی 10,000 سے 20,000 کے درمیان ہے اور 10 فیصد آبادی کی آمدنی 20,000 سے 50,000 کے درمیان ہے اور ان میں سے 4 فیصد کی آمدنی 50,000 روپے سے زیادہ ہے۔
