جالندھر: چوکس بی ایس ایف کے جوانوں نے ملک دشمن عناصر کی ہندوستانی حدود میں داخل ہونے کی کوششوں کو ناکام بناتے ہوئے منگل کو امرتسر کے سرحدی گاؤں دریا منصور میں ایک پاکستانی دراندازکو ہلاک کردیا۔ بی ایس ایف کے تعلقات عامہ کے افسر نے بتایا کہ منگل کی صبح الرٹ بی ایس ایف اہلکاروں نے سرحدی باڑ کے سامنے ایک پاکستانی مسلح شرپسند کی مشکوک نقل و حرکت دیکھی، جو ضلع امرتسر کے تحت سرحدی گاؤں – دریا منصور کے قریب آتی ہے ۔ انہوں نے بتایا کہ فوجیوں نے شرپسند کو للکارا لیکن وہ نہیں رکا اور آگے بڑھتا رہا۔ آنے والے خطرے کو محسوس کرتے ہوئے بی ایس ایف کے جوانوں نے اپنے دفاع میں بدمعاش پرفائرنگ کردی، جس سے وہ موقع پر ہی ہلاک ہوگیا۔ تلاشی لینے پر پاکستانی شرپسند کی لاش کے قریب سے ایک پستول برآمد ہوا۔ علاقے کی گہری تلاشی جاری ہے ۔
