نئی دہلی : بی جے پی نے آج دہلی اسمبلی انتخابات کے لئے شیش محل آپ ۔ دا پھیلانے کا اڈاہ کے عنوان سے ایک نیا گانا جاری کیا، جس کے بول ‘‘ ایمانداری کی ٹوپی پہناکر، گھوٹالوں سے چونا لگاکر ’’ ہے ۔ یہ گانا دہلی بی جے پی کے صدر وریندر سچدیوا نے جاری کیا ہے ۔ اس موقع پر صحافیوں سے خطاب کرتے ہوئے انہوں نے کہا کہ کہا جاتا تھا کہ جب دہلی مغلوں کی حکومت میں تھی تو لوگ محل دیکھنے آتے تھے لیکن آپ ۔ دا ئے اعظم نے دہلی والوں کے خون پسینے کی کمائی سے جو شیش محل بنایا تھا وہ دہلی کے چہرے پر داغ ہے ۔ انہوں نے کہا کہ آج دہلی والوں کے سامنے شیشے کا محل ہے لیکن اس کے باوجود اسے چھپانے کی ہر روز کوشش کی جاتی ہے ۔ انہوں نے کہا کہ کجریوال دہلی کے لوگوں کو گالی دیتے ہیں، جب کہ دہلی کے لوگوں نے انہیں وزیر اعلیٰ بنایا تھا۔ دہلی بی جے پی کے صدر نے مسٹر کجریوال کو آپ ۔ دائے اعظم قرار دیتے ہوئے کہا کہ مسٹر کجریوال نے دہلی کو لوٹنے اور تباہ کرنے کا کام کیا ہے ۔ انہوں نے کہا کہ آج دہلی کے لوگ ترقی کی تلاش میں ہیں، لیکن مسٹر کجریوال ترقیاتی کاموں کی بات کرنے کی بجائے انہیں گالی دے رہے ہیں۔
