اگرتلہ: تریپورہ ٹرائبل ایریا خود مختار ضلع کونسل (اے ڈی سی) کے حکمراں ٹپرا موتھا کے صدر اور شاہی اولاد پردیوت کشور دیو ورمن نے حالیہ اے ڈی سی انتظامیہ کے مبینہ اقربا پروری کے تحت عزیزوں کو ملازمتیں دینے پر سخت ردعمل ظاہر کیا ہے ۔ اور اپنے لیڈروں کو خبردار کیا ہے کہ وہ ایسی کسی بھی سرگرمی سے سے دور رہیں۔مسٹر پرادیوت گزشتہ چند ہفتوں سے ریاست سے باہر ہیں، لیکن وہ ملازمت کے عمل میں اقربا پروری اور بدعنوانی کی خبروں سے پریشان ہیں۔ اگرچہ انہوں نے شکایات کا ذکر نہیں کیا لیکن ان کی سوشل میڈیا پوسٹس واضح طور پر اے ڈی سی میں جاری بھرتیوں میں بے ضابطگیوں کی نشاندہی کر رہی ہیں۔ایک سوشل میڈیا پوسٹ میں، مسٹر پرادیوت نے کہا، “جب ریاست میں ہزاروں لوگ بے روزگار ہوں گے ، تب ٹپرا پارٹی سے تعلق رکھنے والے خاندان کے کسی فرد کو فوری طور پر نوکری نہیں دی جائے گی۔ میں اپنا علاج کروا کر واپس آ رہا ہوں۔ ایسی باتیں بالکل برداشت نہیں کریں گے ۔
