لندن ۔7ستمبر۔(سیاست ڈاٹ کام) برطانیہ میں تیز ہواؤں کے باعث مسافر طیارے کو لینڈنگ کے ساتھ ہی ٹیک آف کرنا پڑا۔موسم کی خراب صورتحال کے باعث اکثر خطرناک حادثات پیش آتے ہیں، موسم کی ایسی ہی خرابی کے باعث برطانیہ میں ایک مسافر طیارہ خطرناک حادثے سے بال بال بچ گیا۔یہ واقعہ مانچسٹر ایئرپورٹ پر پیش آیا جب ایمریٹس کا مسافر طیارہ لینڈنگ کر رہا تھا کہ تیز ہواؤں کی زد میں آگیا اور طیارہ دائیں بائیں ڈولنے لگا جسکی وجہ سے لینڈنگ کرنا مشکل ہوگیا۔
