جدہ : سعودی عرب کے معروف شہرجدہ کے سوپر ڈوم میں آج جمعرات کو کتاب میلے کا افتتاح ہوگا۔ویب سائٹ کے مطابق کتاب میلے 16 دسمبر تک جاری رہے جس میں 400 سے زیادہ سعودی، عرب اور بین الاقوامی پبلشرز حصہ لے رہے ہیں۔انتظامیہ نے کہا ہے کہ ’کتاب میلے کے ضمن کئی ثقافتی، علمی اور شعری مباحثے ہوں گے‘۔’علاوہ ازیں میلے میں بچوں کی دلچسپی کے لیے کئی پروگراموں کا اہتمام کیا گیا ہے جبکہ عالمی کہانیوں پر مبنی ڈرامے بھی دکھائے جائیں گے‘۔واضح رہے کہ اس سے قبل رواں سال کے دوران ریاض ، مدینہ منورہ اور مشرقی ریجن میں بھی کتاب میلوں کا انعقاد ہوچکا ہے۔
