واشنگٹن: امریکی صدر جو بائیڈن نے ریاست جارجیا میں گزشتہ ہفتے آنے والے شدید سمندری طوفان کے پیش نظر ایمرجنسی کے اعلان کی منظوری دے دی ہے ۔وائٹ ہاؤس نے منگل کو جاری کردہ ایک بیان میں یہ اطلاع دی۔بیان کے مطابق، صدر نے آج جارجیا کی صورتحال کو ایک بڑی آفت قرار دیا اور دیگر متاثرہ ریاستوں کیلئے مرکزی امداد کا حکم دیا۔ واشنگٹن پوسٹ کے مطابق گزشتہ ہفتے کے دوران الاباما، جارجیا کے ساتھ ساتھ کئی دیگر امریکی ریاستوں میں شدید سمندری طوفانوں نے تباہی مچا دی ہے۔
