جھوٹ نہ بولو کبھی
جب بھی کہوں سچ کہو
سچ سے محبت کرو
جھوٹ سے بچتے رہو
جھوٹ بڑا پاپ ہے
جس نے کسی شخص سے
جھوٹ کہا ایک بار
قدر نہ اس کی رہی
صاف منا اعتبار
جھوٹ بڑا پاپ ہے
سچ کا بڑا مان ہے
جھوٹ کی عزت نہیں
سچ ہے بڑی قیمتی
جھوٹ کی قیمت نہیں
سچ اجالا اگر
جھوٹ اندھیرا ہے گھپ
سچ نہ اگر کہہ سکو
جھوٹ سے اچھی ہے چپ
پاؤں نہیں جھوٹ کے
چل نہیں سکتا ہے جھوٹ
کوئی نہیں مانتا
جب کوئی بکتا ہے جھوٹ
جھوٹ بڑا پاپ ہے
