نئی دہلی:عام آدمی پارٹی قومی راجدھانی میں انتظامی خدمات پر کنٹرول سے متعلق مرکز کی طرف سے جاری کردہ آرڈیننس کے خلاف مسلسل آواز اٹھا رہی ہے۔ کئی ریاستوں کے وزرائے اعلیٰ سے ملاقات کے بعد اب آپ کی طرف سے دہلی میں ایک بڑی ریلی کا انعقاد کیا جا رہا ہے۔ دہلی کے رام لیلا گراؤنڈ میں پارٹی کی جانب سے ایک ریلی کا انعقاد کیا جائے گا۔ عام آدمی پارٹی کے قومی کنوینر اروند کیجریوال اس ریلی کا اہتمام کریں گے۔ عام آدمی پارٹی کی طرف سے دعویٰ کیا گیا ہے کہ اس ریلی میں ایک لاکھ سے زیادہ لوگ شرکت کریں گے۔
