نئی دہلی، 21 جون (یو این آئی) وزیر دفاع راجناتھ سنگھ نے عالمی یوم یوگا پر اتوار کو میگھالیہ کے شیلانگ میں واقع مشرقی فضائی کمان کے ہیڈ کوارٹر میں ہندوستانی فضائیہ اور ہندوستانی فوج کے تقریباً ایک ہزار فوجیوں کے ساتھ یوگا کیا۔اس موقع پر میگھالیہ کے وزیر اعلیٰ کونراڈ کے سنگما، چیف آف دی ایئر اسٹاف ایئر چیف مارشل اے پی سنگھ، ایئر آفیسر کمانڈنگ ان چیف، مشرقی فضائی کمان ایئر مارشل اندرپال سنگھ والیا اور ہیڈ کوارٹر 101 ایریا کے جنرل آفیسر کمانڈنگ لیفٹیننٹ جنرل موہت وادھوا نے بھی یوگا کیا۔ راجناتھ سنگھ نے یوگا کو ایک جامع سائنس اور زندگی جینے کا فن بتایا، جو انسان کو اپنے اندرونی وجود، معاشرے ، فطرت اور بالآخر ایشور سے جوڑتا ہے ۔ انہوں نے کہا کہ یوگا اندرونی استحکام، ذہنی وضاحت اور جذباتی پختگی کا راستہ فراہم کرتا ہے ۔ وزیر دفاع نے سوشل میڈیا پر ایک پوسٹ میں یوگا کو عالمی عوامی تحریک بنانے کا سہرا وزیر اعظم نریندر مودی کی مسلسل کوششوں اور دور اندیش قیادت کے سر باندھا، جس سے دنیا بھر کے لوگوں کو صحت کا فائدہ مل رہا ہے ۔
