کراچی ۔5 فروری (سیاست ڈاٹ کام ) بنگلہ دیش اور پاکستان کے درمیان 2 ٹسٹ میچوں پر مشتمل سیریز کا پہلا میچ 7 تا 11 فروری راولپنڈی میں کھیلا جائے گا، جمعہ کو شروع ہونے والے ٹسٹ میچ میں رچی رچرڈسن میچ ریفری جب کہ نائجل لونگ اور کرس گیفنی آن فیلڈ امپائرزکی ذمہ داریاں نبھائیں گے۔ماریز ایریزمیس ٹی وی امپائر اور شوزب رضا فورتھ امپائر ہوں گے۔ رچی رچرڈسن دوسری مرتبہ پاکستان آرہے ہیں، وہ اس سے قبل ستمبر2017 میں آئی سی سی ورلڈالیون ٹی ٹونٹی کرکٹ ٹیم کے دورہ پاکستان کے دوران بھی میچ ریفری کے فرائض انجام دے چکے ہیں۔ رچی رچرڈسن بطور کرکٹر 1985 تا 1996 کے دوران پاکستان میں 21 ونڈے اور 6 ٹسٹ میچز کھیل چکے ہیں، کرس گیفنی اور ماریز ایریزمس پہلی مرتبہ پاکستان کا دورہ کررہے ہیں۔