بنگلورو: نیشنل چمپئن رشمیکا بھامی دپتی نے اتوار کو خواتین کے عالمی ٹینس ٹور کے فائنل میں زیل دیسائی کو شکست دے کر اپنا پہلا آئی ٹی ایف خطاب جیتا۔ آج یہاں باوئنگ انسٹی ٹیوٹ کورٹ میں ہندوستانی کھلاڑیوں کے درمیان فائنل میچ میں رشمیکا نے 6-0، 4-6، 6-3 سے کامیابی حاصل کرتے ہوئے 3935 ڈالر کی انعامی رقم اور 50ڈبلیو ٹی اے پوائنٹس جیتے ۔ دیسائی کو 2107 امریکی ڈالر اور 30ڈبلیو ٹی اے پوائنٹس حاصل ہوئے ۔ رشمیکا نے پہلا سٹ آسانی سے 6-0 سے جیت لیا۔ لیکن دوسرے سٹ میں دیسائی نے واپسی کی اور اپنے حریف کی سرو کو بریک کیا۔ اس کے بعد رشمیکا نے چوتھے اور پانچویں گیم میں سرویس برقرار رکھتے ہوئے 3-2کی برتری حاصل کی۔ دیسائی نے پھر واپسی کرتے ہوئے لگاتار تین گیمز جیت کر سٹ 6-4سے اپنے نام کیا۔ تاہم، فیصلہ کن سٹ میں دیسائی کو رشمیکا نے آخرکار شکست دے دی۔
