حیدرآباد۔ بی جے پی تلنگانہ یونٹ نے کہا ہے کہ اپوزیشن جماعتیں کسانوں کے مفادات کے تحفظ کے بجائے حال ہی میں پارلیمنٹ میں منظورہ زرعی بلز کی مخالفت کرتے ہوئے درمیانی افراد کا تحفظ کرنے کی کوشش کررہے ہیں۔تلنگانہ بی جے پی کے لیڈر این وی سبھاش نے اپنے بیان میں الزام لگایا کہ یہ سیاسی ایجنڈہ کے لئے استعمال کرتے ہوئے کسانوں سے دھوکہ کرنے کے سوا کچھ نہیں ہے ۔انہوں نے کہاکہ اپوزیشن جماعتوں کی جانب سے اقل ترین امدادی قیمت پر واویلامچائے جانے کے بعد کسان الجھن کا شکار ہیں، حالانکہ وزیراعظم مودی نے اعادہ کیا ہے کہ اقل ترین امدادی قیمت برقرار رہے گی اورکسان ملک میں کسی بھی علاقہ میں اپنی پیداوار فروخت کرسکتے ہیں۔ انہوں نے کہاکہ جو پارٹیاں زرعی بلز کی مخالفت کررہی ہیں وہ کسانوں کو دی جانے والی آزادی کو ہضم نہیں کرپارہی ہیں۔
