ریاض: سعودی عرب کا جنگی طیارہ تربیتی پرواز کے دوران گر کر تباہ ہوگیا جس میں سوار 2 پائلٹ بھی جاں بحق ہوگئے۔ سعودی عرب کی سرکاری خبر رساں ایجنسی کے مطابق مملکت کی وزارت دفاع کے ترجمان بریگیڈیئر جنرل ترکی المالکی نے ایک بیان میں طیارہ حادثہ کی تصدیق کی ہے۔بریگیڈ یئر جنرل ترکی المالکی کے مطابق جمعرات 7 دسمبر کی دوپہر مشرقی علاقہ کے شاہ عبدالعزیز ظہران ائیربیس سے معمول کی تربیتی پرواز کے دوران ایف 15 ایس ای طیارے کو حادثہ پیش آیا۔
ترجمان کے مطابق حادثہ کے باعث طیارے میں سوار دونوں پائلٹ جاں بحق ہوگئے جبکہ حادثہ کی وجوہات جاننے کیلئے تحقیقاتی ٹیم تشکیل دے دی گئی ہے۔
