ریاض : سعودی عرب میں 255 خواتین ریکروٹس کی مختلف شعبوں میں تعیناتی کے لیے کورسز کی تکمیل کے بعد پاسنگ آؤٹ کی تقریب گذشتہ روز منعقد ہوئی۔مختلف شعبوں میں کوالیفائی کرنے والی خواتین کا یہ چوتھا بیچ ہے جس میں تربیت پانے والی خواتین ریکروٹس میں سفارتی سلامتی کے خصوصی دستوں اور حج وعمرہ کے سکیورٹی امور کے دستوں کے لیے بھرتی ہونے والی خواتین شامل ہیں۔خواتین ریکروٹس کی بھرتی کے لیے ہونے والی پاسنگ آؤٹ تقریب میں سعودی وزیر داخلہ شہزادہ عبدالعزیز بن سعود بن نائف بن عبدالعزیز اور ڈائریکٹر پبلک سکیورٹی لیفٹیننٹ جنرل محمد البسامی سمیت دیگر اعلیٰ حکام نے شرکت کی۔
