ریاض۔ (کے این واصف) سعودی وزارت افرادی قوت و سماجی بہبود نے مملکت میں پرائیویٹ سیکٹر کے کارکنان کے لیے قومی دن (نیشنل ڈے) کی تعطیل کے حوالے سے وضاحت جاری کی ہے۔ سیدتی میگزین نے وزارت افرادی قوت و سماجی بہبود کے ٹوئٹر اکاونٹ پر جاری بیان کے حوالے سے بتایا کہ ’اس سال قومی دن جمعہ 23 ستمبر 2022 کو ہے۔ پرائیویٹ سیکٹر کی کمپنیوں اوراداروں میں قومی دن کی تعطیل جمعرات 22 ستمبر کو ہوگی‘۔وزارت افرادی قوت کے مطابق ’قومی دن کی تعطیل ام القری کیلنڈر کے لحاظ سے قومی دن کے پہلے روز ہوتی ہے۔ اگر اس ہفتہ وار چھٹی ہو تو اس صورت میں قومی دن سے ایک دن پہلے یا ایک دن بعد تعطیل دی جائے گی‘۔یاد رہے کہ سعودی عرب کا قومی دن (نیشنل ڈے) ہرسال 23 ستمبر کو منایا جاتا ہے۔
