بی جے پی ایم پی ہیما مالینی پارلیمنٹ کے احاطے میں جھاڑو پکڑ کر صفائی کی ’ناکام‘ کوشش کرتی ہوئیں۔ ہفتہ کو اُن کے ہمراہ مرکزی وزیر انوراگ ٹھاکر نے بھی ’سوچھ بھارت مشن‘ میں حصہ لیتے ہوئے۔ اس کا ایک ویڈیو جب آن لائن وائرل ہوا تو سوشل میڈیا والوں نے خوب مذاق اُڑایا۔ بعض نے کہا کہ ہیما مالینی نے زندگی میں کبھی جھاڑو سے صفائی نہیں کی ہوگی جس کا ثبوت اُن کا جھاڑو پکڑنے کے طریقہ ہے۔ سابق چیف منسٹر جموں و کشمیر عمر عبداللہ نے کہا کہ سوچھ بھارت مشن کا مذاق بنا دیا گیا ہے۔ پارلیمنٹ کا احاطہ سب سے صاف ستھرے مقامات میں سے ہوتا ہے جہاں ایم پیز کا علامتی صفائی کرنا تصویر کشی کے موقع کے سواء کچھ نہیں!
