سدی پیٹ ۔16 اپریل (سیاست ڈسٹرکٹ نیوز) سڑک حادثات کی روک تھام کو مقصد بناتے ہوئے سدی پیٹ ضلع پولیس نے ‘ارائیو الائیو’ پروگرام کے تحت ضلع بھر کے تمام گاڑیوں کے شورومز اور پٹرول پمپس کے منتظمین کے ساتھ تال میل قائم کرتے ہوئے عوام میں بیداری پیدا کرنے کے لیے ایک خصوصی مہم کا آغاز کیا ہے۔ نئی گاڑی خریدنے والے ہر صارف اور ڈرائیور کو ٹریفک قوانین سے متعلق بنیادی معلومات فراہم کرنا اس اقدام کا اہم مقصد ہے۔ گاڑی چلانے والوں کو چاہیے کہ وہ صرف قانون کے لیے نہیں بلکہ اپنے اہلِ خانہ کی حفاظت کے لیے بھی سڑک کے اصولوں پر عمل کریں، یہ بات سدی پیٹ پولیس کمشنر رشمی پرومل ، آئی پی ایس نے کہی۔ہم عوام سے اپیل کرتے ہیں کہ وہ پولیس کے ساتھ تعاون کریں اور سڑک کی حفاظت کو ایک سماجی ذمہ داری کے طور پر قبول کریں۔
آپ کی حفاظت ہی ہماری ترجیح ہے۔
