ماسکو : روس کے جنگی طیاروں کے شام کے شمال مغربی صوبہ ادلب پر فضائی حملوں میں 10 افراد ہلاک اور 32 زخمی ہوگئے۔باغیوں کے فضائی نگرانی مرکز سے موصول ہونے والی معلومات کے مطابق، کل مقامی وقت کے مطابق شام 5 بجے لازقیہ کے فوجی اڈے سے پرواز کرنے والے 3 روسی جنگی طیاروں نے ادلب پر 4 فضائی حملے کیے۔شام کے سول ڈیفنس وائٹ بیرٹس کے مطابق، عین شیب گاؤں میں ایک ترکھان کے کارخانے پر فضائی حملوں میں ہلاک ہونے والوں کی تعداد 10 اور زخمیوں کی تعداد 32 ہوگئی ہے، زخمیوں کو قریبی ہسپتالوں میں زیر علاج رکھا گیا ہے۔روس نے گزشتہ 4 دنوں میں ادلب کے 27 مقامات پر فضائی حملے کیے تھے۔ترکیہ، روس اور ایران نے 2017 کے آستانہ اجلاس میں شامی حکومت کے کنٹرول سے باہر کے علاقے میں 4 محفوظ زون قائم کرنے کا فیصلہ کیا۔
