ممبئی (مہاراشٹرا): شیوسینا نے بدھ کے روز مزدور یونینوں کے ’’ بھارت بند ‘‘ کے مطالبے کی حمایت کی اور مرکزی حکومت کی پالیسیوں اور فیصلوں پر مرکزی حکومت طنز کسا۔
اپنے ترجمان اخبار سامنا میں شیو سینا نے کہا ہے کہ “بی جے پی حکومت کے پہلے دور حکومت میں جی ایس ٹی جیسے فیصلوں کی وجہ سے صنعت اور مزدور طبقہ بری طرح متاثر ہوا ہے۔
بی جے پی حکومت کی مزدور مخالف پالیسیوں کے خلاف احتجاج کرنے کے لئے مختلف 10 فیڈریشنوں کے ساتھ ساتھ تمام 10 مرکزی ٹریڈ یونینوں کے بلائے جانے والے ’بھارت بند‘ کی وجہ سے متعدد مقامات پر ٹرانسپورٹ اور بینکنگ خدمات متاثر ہونے کا امکان ہے۔
ملک بھر میں دس سنٹرل ٹریڈ یونینوں نے جن میں 12 نکاتی مطالبہ کے ساتھ ہڑتال کر رہے ہیں۔ ٹریڈ یونین بھارتیہ مزدور سنگھ (بی ایم ایس) اس ہڑتال میں حصہ نہیں لے گی۔
اداریے میں کہا گیا ہے کہ لوگوں کو توقع تھی کہ حالات میں بہتری آئے گی ، لیکن “موجودہ حکومت کے قیام کے بعد چھ ماہ گزر چکے ہیں اور نہ صنعتوں اور نہ ہی مزدوروں کی حالت میں بہتری آئی ہے۔