کابل ۔ 17 اپریل (سیاست ڈاٹ کام) طالبان نے افغان حکومت کے مزید 20 قیدیوں کو رہا کر دیا ہے جس کے بعد طالبان کی قید سے رہائی پانے والوں کی تعداد 40 ہو گئی ہے۔افغان قید سے یہ رہائی ایک ایسے وقت عمل میں آئی ہے جب افغانستان میں تشدد کے تازہ واقعات میں اضافہ ہوا ہے جس کے دوران افغان سیکیورٹی فورسز کے اہلکاروں سمیت کئی افراد ہلاک ہوئے ہیں۔طالبان کے قطر آفس کے ترجمان سہیل شاہین نے ایک ٹوئٹ میں کہا ہیکہ افغان فوج اور پولیس کے 20 اہلکاروں کو مشرقی صوبے لغمان کے دارالحکومت مھترلام کے قریب سے جمعرات کو رہا کیا گیا ہے۔
