ممبئی۔ اداکارہ فاطمہ ثناء شیخ جنھیں انتھولوجی ماڈرن لو ممبئی میں اپنے کام کے لیے کافی تعریف ملی ہے، وہ اپنی آنے والی فلم فیلڈ مارشل سیم مانیک شا کی زندگی پر مبنی فلم پر توجہ مرکوز کرنے والی ہیں، جہاں وہ ہندوستان کی پہلی خاتون وزیر اعظم اندرا گاندھی کا کردار ادا کریں گی۔ جمعہ کو اداکارہ نے اپنے سوشل میڈیا پر ہدایتکار میگھنا گلزار کے ساتھ فلم کے لیے اپنی تیاریوں کی ایک جھلک دکھائی ہے۔ اپنے کیپشن میں انہوں نے لکھا، میں کام میں ڈوب رہی ہوں۔ فاطمہ نے پہلے کہا تھا کہ وہ سابق وزیر اعظم آنجہانی اندرا گاندھی کے انٹرویوز دیکھ رہی ہیں اور ان پر کافی مواد پڑھ رہی ہیں۔ انہوں نے یہ بھی کہا تھا کہ اگرچہ یہ سب اسکرین پر نہیں دکھایا جائے گا لیکن ان نامور شخصیات کے بارے میں جاننا واقعی دلچسپ ہے جنہوں نے تاریخ بدل دی ہے۔فاطمہ اس سے قبل ہٹ فلم دنگل میں ہندوستانی پہلوان گیتا پھوگٹ کی حقیقت پسندانہ تصویرکشی کے لیے کافی توجہ اور تعریف حاصل کر چکی ہیں۔دریں اثنا، کام کے محاذ پر، فاطمہ فی الحال دیا مرزا، رتنا پاٹھک اور سنجنا سانگھی کے ساتھ تاپسی پنو کی پروڈکشن ‘دھک دھک میں کام کر رہی ہیں۔
