جدہ : امریکی سابق باکسنگ چیمپئن مائیک ٹائسن اور فلسطینی نژاد امریکی ہپ ہاپ اسٹار اور پروڈیوسر ڈی جے خالد نے عمرہ ادا کیا۔ یہ دونوں سعودی عرب کے مقدس شہر مکہ مکرمہ میں موجود ہیں۔جمعہ کی رات خالد محمد خالد جو پیشہ ورانہ طور پر ڈی جے خالد کے نام سے جانے جاتے ہیں، انسٹاگرام پر اپنی، مائیک ٹائسن اور ٹائسن کے والد کی تصویر پوسٹ کی جو احرام پہنے ہوئے تھے۔جے ڈے خالد نے لکھا کہ ہم مکہ کے راستے پر ہیں خدا! میرے بھائی جے ڈے خدا مائیک ٹائسن اور ان کے والد کو برکت دے۔ اور انھیں زیادہ پیار زیادہ نعمتیں زیادہ زندگی دے خدا سب سے بڑا ہے اس تصویر کو 10 دسمبر تک انسٹاگرام پر 449,047 سے زیادہ لائیکس ملے۔ ان کے انسٹاگرام اکاؤنٹ پر 31.9 ملین سے زیادہ فالوورز ہیں۔ایک اور پوسٹ میں، ڈی جے خالد اور مائیک ٹائسن کو طواف کرتے ہوئے دیکھا گیا ہے۔
