18 نئے ایمس میں فیکلٹی کے تقریباً 44 فیصد عہدے مخلوعہ
نئی دہلی : مرکزی وزارت صحت، ملک بھر کے طبی اداروں میں ملازمین کی کمی کو پورا کرنے اور مخلوعہ جائیدادوں پر بھرتی کولیکر سنجیدہ ہے۔ ہندوستان بھر کے مختلف آل انڈیا انسٹی ٹیوٹ آف میڈیکل سائنس (ایمس) میں فیکلٹی اور نان فیکلٹی کے لیے مرکزی بھرتی شروع کرنے کے امکان پر غور کیا جارہا ہے۔ ایک کمیٹی میں ڈاکٹر وی کے پال، رکن (ہیلت) نیتی آیوگ، ایڈیشنل سیکرٹری، پیوش، وزارت صحت اور اس سلسلے میں ایمس نئی دہلی کے ڈائریکٹر شامل کیا گیا ہے۔ 8 جنوری کو ایمس، بھونیشور میں ہونے والی سنٹرل انسٹی ٹیوٹ باڈی کی میٹنگ کے بعد مختلف ایمس میں فیکلٹی اور نان فیکلٹی کی بھرتی کے عمل کو مضبوط بنانے پر زور دیا گیا ہے۔وزارت نے گزشتہ سال لوک سبھا میں بتایا کہ 18 نئے ایمس میں فیکلٹی کے تقریباً 44 فیصد عہدے خالی پڑے ہیں، جن میں ایمس راجکوٹ منظور شدہ 183 عہدوں میں سے صرف 40 فیکلٹیوں کے ساتھ سب سے کم ہے۔ ایمس راجکوٹ کے بعد ایمس وجئے پور اور ایمس گورکھپور میں منظور شدہ پوسٹوں کی تعداد کے مقابلے میں سب سے کم فیکلٹی ہیں۔ وزارت نے کہا تھا کہ ایم بی بی ایس کے طلبہ کو پڑھانے کے لیے تمام نو بنائے گئے آل انڈیا انسٹی ٹیوٹ آف میڈیکل سائنسز (ایمس) کے لیے حکومت کی طرف سے کافی فیکلٹی پوسٹوں کی منظوری دی گئی ہے۔ایک سرکاری ذریعہ کے مطابق مرکزی بھرتی کا نظام فیکلٹیز اور نان فیکلٹیز کی تقرری کے عمل کو مزید شفاف اور ہموار بنائے گا۔ اس کے علاوہ یہ ان کی ایک ایمس سے دوسرے ایمس میں آسانی سے منتقلی میں بھی سہولت فراہم کرے گا۔ فی الحال یہ ایمس اپنے ملازمین کو بھرتی کرتے ہیں۔ یہ دیکھا گیا ہے کہ باصلاحیت ڈاکٹر اپنی ریاستوں سے باہر پوزیشنوں کے لیے ہچکچاتے ہیں جہاں وہ مقیم ہیں یا ان علاقوں تک پہنچنا مشکل ہے۔وزارت کے اعداد و شمار کے مطابق 4,026 منظور شدہ پوسٹوں میں سے 18 نئے ایمس میں صرف 2,259 آسامیاں بھری گئی ہیں۔اس دوران سینٹرلائزڈ ریکروٹمنٹ متعارف کرانے کے امکانات کی جانچ کرنے کے لیے کمیٹی تشکیل دی گئی ہے۔ ان تفصیلات کا ذکر 28 فروری کو جاری کردہ ایک حکم نامے میں بھی موجود ہیں۔