مدورئی ۔ تمل ناڈو کے مدورئی میں ہفتہ کو بھگَدڑ میں کم از کم دو افراد ہلاک اور آٹھ دیگر زخمی ہو گئے ۔ چیف منسٹر ایم کے اسٹالن نے مرنے والوں کے اہل خانہ سے تعزیت کا اظہار کیا ہے ۔ پولیس کا کہنا ہے کہ فی الحال متوفی کی شناخت نہیں ہوسکی۔ زخمیوں کو علاج کے لیے گورنمنٹ راجا جی اسپتال (جی آر ایچ ) میں داخل کرایا گیا ہے ۔ مدورئی ڈسٹرکٹ اتھارٹی نے عوام کے لیے ہیلپ لائن نمبر 9498042434 جاری کیا ہے ۔ا سٹالن نے مرنے والوں کے لواحقین کو 5-5 لاکھ روپے ، شدید زخمیوں کو 2 لاکھ روپے اور 7 معمولی زخمیوں کو ایک ایک لاکھ روپے دینے کا اعلان کیا ہے ۔ قابل ذکر ہے کہ تمل ناڈو کے مختلف حصوں سے لاکھوں کی تعداد میں عقیدت مند دنیا کے مشہور میناکشی سندریشور مندر میں 12 روزہ چتھیرائی برہموتسوم میں ہفتہ کی صبح ویگئی ندی میں بھگوان کلاج نگر کے اترنے کی عظیم تقریب کا مشاہدہ کرنے آئے تھے ۔ کووڈ۔19 کی پابندیوں کی وجہ سے دو سال بعد اس تقریب کا انعقاد کیا گیا ہے ۔
