ووہان، 15 اکتوبر (آئی اے این ایس) روس کی ڈیانا شنائیڈر نے ووہان اوپن ٹینس ٹورنمنٹ کے کوارٹر فائنل میں رسائی حاصل کرلی۔ انہوں نے جمعرات کو جمہوریہ چیک کی کیرولینا موچووا کو راست سٹوں میں 7-5، 6-3 سے شکست دی۔ اس کامیابی کے ساتھ شنائیڈر نے اپنے کیریئر میں پہلی 10 درجہ بندی والی کھلاڑیوں کے خلاف چوتھی کامیابی درج کی۔ عالمی درجہ بندی میں 13ویں مقام پر موجود شنائیڈر نے اہم مواقع پر عمدہ کھیل کا مظاہرہ کرتے ہوئے چوتھی مرتبہ ڈبلیو ٹی اے 1000 ٹورنمنٹ کے کوارٹر فائنل میں جگہ بنائی۔ اب سیمی فائنل میں رسائی کے لیے ان کا مقابلہ لیلا فرنانڈیز اور جلینا اوسٹاپینکو کے درمیان ہونے والے میچ کی فاتح کھلاڑی سے ہوگا۔ دوسری جانب موچووا کی شکست سے سال کے اختتام پر ہونے والے ڈبلیو ٹی اے فائنلز میں جگہ بنانے کی ان کی کوششوں کو دھکا لگا ہے۔
