نارائن پیٹ 23اپریل ( سیاست ڈسٹرکٹ نیوز) ایجوکیشن فیسٹیول طلباء کی صلاحیتوں کے ارتقاء کا ایک پلیٹ فارم ہے۔ ضلع نارائن پیٹ مسٹر کلکٹر پرتیک جین نے کہا کہ ایجوکیشن فیسٹیول پروگرام طلباء کی صلاحیتوں کا ایک پلیٹ فارم بن گیا ہے۔ انہوں نے کہا کہ نارائن پیٹ ضلع میں ایف ایل این اور ایل آئی پی کے نفاذ میں اچھی پیش رفت ہو رہی ہے۔نارائن پیٹ ضلع اسکول ایجوکیشن ڈپارٹمنٹ کے زیراہتمام ضلع مرکز کے گایتری فنکشن ہال میں منعقدہ ’’ایجوکیشن فیسٹیول 2.0‘‘ پروگرام دھوم دھام سے منعقد ہوا۔ ضلع کلکٹر پرتیک جین نے مہمان خصوصی کے طور پر پروگرام میں شرکت کی۔ اس موقع پر خطاب کرتے ہوئے ضلع کلکٹر نے کہا ’’تعلیم 2.0 کا یہ میلہ دو سے تین سال کی محنت کا نتیجہ ہے۔ منڈل سطح کے مقابلوں کے فاتحین، کلاس 3، 4، 5، 6، اور 7 کے طلباء نے ضلعی سطح پر منعقدہ تلگو، انگلش اور ریاضی کے مقابلوں میں حصہ لیا اور اپنی صلاحیتوں کا مظاہرہ کیا۔ اس کے علاوہ طلبہ نے کلاس 6 اور 7 کے طلبہ کے لیے منعقد کیے گئے کوئز مقابلوں میں بھی بھرپور اعتماد کے ساتھ حصہ لیا۔یہ ریاست میں پہلی بار اختراعی مقابلے ہیں قبل ازیں ڈسٹرکٹ ایجوکیشن آفیسر ڈاکٹر ایم گووندا راجو نے ضلع کی تعلیمی ترقی کے بارے میں بات کرتے ہوئے کہا کہ نارائن پیٹ ضلع نے ایس سی ای آر ٹی ریاستی سطح کے سروے میں ایف ایل این کارکردگی کے لحاظ سے ریاست کے ٹاپ 5 اضلاع میں جگہ حاصل کی ہے۔یہ بھی انکشاف ہوا کہ نیشنل اچیومنٹ سروے میں اس ضلع کی شناخت رائزنگ ڈسٹرکٹ کے طور پر کی گئی ہے۔ڈی ای او نے کہا کہ ہائی اسکول کی سطح پر نافذ کیے جانے والے پروگراموں کے اچھے نتائج برآمد ہورہے ہیں۔ ڈسٹرکٹ اکیڈمک مانیٹرنگ آفیسر ودیا ساگر، سیکٹرل آفیسرز ناگارجن، سرینواس، سائنس آفیسر بھانو پرکاش اور دیگر نے پروگرام کو آرڈینیٹ کیا۔منڈل ایجوکیشن آفیسرس (MEOs)، اسکول کمپلیکس کے پرنسپلس، سیکٹرل آفیسرس، اور مختلف این جی اوز کے نمائندوں نے پروگرام میں حصہ لیا۔
