نئی دہلی، 16 ستمبر (یو این آئی) ہندوستانی خواتین ہاکی ٹیم کے کوچ سیورڈ مارینے کا کہنا ہے کہ ایف آئی ایچ ورلڈ کپ میں شاندار کارکردگی کے بعد کھلاڑیوں کو سب سے بڑی سیکھ یہ ملی ہے کہ وہ دنیا کی بہترین ٹیموں کا مقابلہ کرسکتی ہیں۔ ہندوستان نے 52 برسوں میں ورلڈ کپ میں اپنی بہترین کارکردگی کا مظاہرہ کرتے ہوئے پانچویں مقام حاصل کیا اور اب ٹیم ایشین گیمز 2026کی تیاری کر رہی ہے ۔مارینے نے کہا کہ کوچ کی حوصلہ افزائی سے کھلاڑیوں کو یہ یقین دلایا جاسکتا ہے کہ وہ اچھی ٹیم ہیں، لیکن اس کا خود تجربہ کرنا زیادہ اہم ہے ۔ انہوں نے کہا کہ کھلاڑیوں نے عالمی کپ میں بہترین ٹیموں کے خلاف کھیلا اور محسوس کیا کہ وہ نہ صرف ان کا مقابلہ کرسکتی ہیں بلکہ جرمنی جیسی ٹاپ ٹیم کو شکست بھی دے سکتی ہیں۔ ہندوستان نے درجہ بندی کے میچ میں جرمنی کو شکست دے کر پانچواں مقام حاصل کیا تھا۔انہوں نے کہا کہ ورلڈ کپ کی کارکردگی کا جائزہ لینے کے لیے زیادہ وقت نہیں ملا، کیونکہ اب ایشین گیمز سامنے ہیں۔ ان کے مطابق پانچویں مقام کے ساتھ واپسی خوش آئند ہے اور اس سے ٹیم کا اعتماد بڑھا ہے ۔ ایشین گیمز میںگولڈ میڈل ہندوستان کو لاس اینجلس اولمپکس 28 میں براہ راست کوالیفائی کرنے کا موقع بھی دے گا۔ ٹیم کو چین، جاپان اور جنوبی کوریا جیسے مضبوط حریفوں کے باوجود کھیل توجہ دینی ہے ۔
