نئی دہلی ۔ /27 اکٹوبر (سیاست ڈاٹ کام) وزیراعظم نریندر مودی کی من کی بات ماہانہ ریڈیو پروگرام کے مقابل نیا پروگرام شروع کرنے کی کوشش کرتے ہوئے کانگریس نے دیش کی بات پروگرام شروع کردیا ہے ۔ ہفتہ کے دن سے یہ پروگرام سوشیل میڈیا پلیٹ فارم پر براہ راست جاری کیا گیا ہے ۔ اس کا پہلا حصہ صبح 11 بجے سے شروع ہوگیا ۔ پارٹی ترجمان پون کھیرا نے کہا کہ کانگریس نے سوشیل میڈیا پر دیش کی بات پروگرام شروع کیا ہے ۔ کانگریس کے سوشیل میڈیا سربراہ روہن گپتا نے کہا کہ دیش کی بات پروگرام میں عام آدمی سے متعلق مسائل کے بارے میں بات کی جائے گی اور حکومت کی ناکامیوں پر بھی سوال اٹھائے جائیں گے ۔
