رواں سال سب سے زیادہ انتظار کی جانے والی فلموں میں سے ایک سلمان خان کی فلم ٹائیگر3 کا ٹریلر آج ریلیز کردیا گیا ہے اور وہ فلم میں ملک بمقابلہ خاندان میں پھنسا ہوا ہے۔ ٹریلر کے پہلے ہاف میں سلمان اور کٹرینہ ٹائیگر اور زویا کے طور پر اپنے بیٹے کے ساتھ معیاری وقت گزارتے نظر آ رہے ہیں۔ تاہم، جلد ہی ٹائیگر ایک ایسی صورتحال میں مجبور ہو جاتا ہے جہاں اسے اپنے ملک اور اپنے خاندان میں سے کسی ایک کا انتخاب کرنا پڑتا ہے۔ ٹریلر میں ایک موقع پر ان کا بیٹا بھی خطرے میں نظر آتا ہے۔ پورے ٹریلر میں سلمان اور کترینہ دونوں قریبی لڑائی اور ہائی آکٹین ایکشن سیکوئنس میں مصروف نظر آرہے ہیں۔ ایک موقع پرکٹرینہ کو ایک دوسری عورت کے خلاف تولیہ میں لڑتے ہوئے بھی دیکھا گیا ہے۔ یہ ایک پلک جھپکنے والا منظرہے لیکن اس کی ایکشن کوریوگرافی کی وجہ سے ایک حیرت انگیز منظر ہے۔ ٹریلرکا آغاز ریوتی کے وائس اوور اور چہرے کے انکشاف کے ساتھ ہوتا ہے، جو لگتا ہے کہ نئے را چیف کا کردار ادا کررہی ہے۔ آخر میں عمران ہاشمی جن کی آواز اور سلہاؤٹ ٹریلر پر بڑے پیمانے پر نظر آتے ہیں، آخر میں سامنے آئے ہیں۔
