سڈنی۔ پاکستان نے منگل کو آسٹریلیا کے خلاف تیسرے اور آخری ٹسٹ کے لیے اپنی پلیئنگ الیون کا اعلان کیا جس میں بائیں ہاتھ کے اوپنر صائم ایوب اپنا ٹسٹ ڈیبیو کرنے کے لیے تیار ہیں۔ اوپنر امام الحق اور فاسٹ بولر شاہین شاہ آفریدی دو بڑے نام ہیں جن کی جگہ 21 سالہ صائم اور 30 سالہ ساجد خان کو شامل کیا گیا ہے۔ گزشتہ سال مارچ میں ٹی ٹوئنٹی میں ڈیبیو کرنے والے صائم کراچی کے لیے لسٹ اے کی شاندار کارکردگی کی وجہ سے ٹیم میں شامل ہیں۔ یہ ان کا پہلا ٹسٹ میچ ہوگا۔ وہ اب تک کھیلے گئے 8 ٹی ٹوئنٹی میچوں میں 17.57 کی اوسط سے 123 رنز بنا چکے ہیں۔ ساجد تقریباً دو سال کے وقفے کے بعد ٹسٹ کے میدان میں واپس آئے، جو آخری بار آسٹریلیا کے 2022 کے دورہ پاکستان کے دوران ٹیم میں شامل تھے۔ سات میچوں میں 22 وکٹوں کے ساتھ ٹسٹ میں ایک اچھا ریکارڈ ہے۔ اس سے قبل منگل کو آسٹریلیا نے پاکستان کے خلاف چہارشنبہ کو شروع ہونے والے سڈنی ٹسٹ کے لیے پلیئنگ الیون کا اعلان کیا، کپتان نے تصدیق کی کہ پنک بال ٹسٹ کے لیے کوئی تبدیلی نہیں کی گئی ہے۔ تیسرا ٹسٹ 3 سے 7 جنوری تک سڈنی میں کھیلا جائے گا۔ آسٹریلیا کو سیریز میں 2-0 کی ناقابل تسخیر برتری حاصل ہے اور وہ اس وقت آئی سی سی ورلڈ ٹسٹ چمپئن شپ جدول پر تیسرے مقام پر ہے۔
