حیدرآباد۔ ساؤتھ اسٹار الو ارجن اور رشمیکا منڈنا کی فلم پشپا: دی رائز ریلیز سے پہلے ہی خبروں میں ہے۔ شائقین اب اس فلم کے دوسرے حصے کا انتظار کر رہے ہیں۔ پشپا دی رول کے بارے میں بہت ساری تازہ خبریں آتی رہتی ہیں۔ حال ہی میں الو ارجن کی پشپا2 کے بارے میں خبر آئی تھی کہ یہ فلم ہندوستان کے بعد روس میں بھی ریلیز ہونے والی ہے۔ اس کے بعد پشپا 2 کے متعلق ایک اور خبر سامنے آرہی ہے، یہ جاننے کے بعد کہ فلم بنانے والے کافی خوش نظر آرہے ہیں کیونکہ پشپا دی رول ریلیز سے قبل بڑی کمائی کرنے شروع کردی ہے۔پشپا 2 جس میں اللو ارجن اور رشمیکا منڈنامرکزی کردار کر رہے ہیں ایک بار پھر سرخیوں میں ہے۔ چند ماہ قبل فلم کی ریلیز کی تاریخ کے حوالے سے خبریں سامنے آئی تھیں جس کے بعد فلم سے متعلق ایک نئی اپ ڈیٹ سامنے آرہی ہے۔ فلم کے بیرون ملک تھیٹر کے حقوق کے حوالے سے ایک بڑی اپ ڈیٹ سامنے آئی ہے۔ میڈیا رپورٹس کے مطابق میکرز نے فلم کے بیرون ملک تھیٹر کے حقوق کو محفوظ بنانے کے لیے 80 کروڑ روپے سے زائد کی رقم مقرر کی ہے۔ یہ جاننے کے بعد بہت سے لوگ حیران ہیں، کیونکہ اس کی وجہ سے اس کی قیمت راجاماولی کی فلم آر آر آر سے زیادہ ہے۔ جانکاری کے لیے بتاتے چلیں کہ آر آر آرکے اوورسیز تھیٹر رائٹس 70 کروڑ روپے میں فروخت ہوئے تھے۔الو ارجن کی یہ فلم اس سال ریلیز ہوگی۔ الو ارجن اور رشمیکا منڈنا اسٹارر پشپا 2 یعنی پشپا دی رول کی ریلیز کی تاریخ کے بارے میں کوئی باضابطہ معلومات سامنے نہیں آئی ہیں لیکن میڈیا رپورٹس کے مطابق یہ فلم اگست 2023 میں بڑے پردے پر آنے والی ہے۔اس فلم میں الو ارجن اور رشمیکا مندنا کے علاوہ فہد فاضل بھی نظر آئیں گے۔ابتدامیں کہاجارہا تھا کہ اس فلم میں بالی ووڈ کے اہم ستارے بھی نظر آئیںگے لیکن فلم کی شوٹنگ کے شروع ہونے کے بعد ابھی تک کسی کا نام سامنے نہیں آیا ہے اور نہ ہی یہ تردید کی گئی ہے کہ اس فلم میں بالی ووڈ ستارے نہیں ہیں ۔
