چندی گڑھ: پنجاب میں اسمبلی انتخابات سے پہلے عام آدمی پارٹی کے سربراہ اور دہلی کے وزیر اعلی ارویند کیجریوال نے کل پنجاب کی خواتین کے لیے بڑا اعلان کیا۔ انہوں نے کہا کہ اگر پنجاب میں عام آدمی پارٹی کی حکومت بنتی ہے تو 18 سال سے زیادہ عمر کی ہر خاتون کے کھاتے میں ہر ماہ 1000 روپے جمع کرائے جائیں گے۔ مشن پنجاب کا افتتاح کرتے ہوئے کیجریوال نے کہا، “آج میں ایک بہت بڑا اعلان کرنے آیا ہوں۔ خواتین کو بااختیار بنانے کے بارے میں بہت باتیں ہو رہی ہیں۔ میں آپ سے پوچھنا چاہتا ہوں کہ پیسے میں کتنی طاقت ہے؟ اگر جیب میں پیسہ ہے تو۔ انسان کچھ بھی خرید سکتا ہے، کہیں بھی جا سکتا ہے انسان کو آزادی ملتی ہے، پیسہ بڑی طاقت دیتا ہے۔”
