نئی دہلی۔یکم اکتوبر ۔( یو این آئی ) قومی تفتیشی ایجنسی (این آئی اے ) نے چھتیس گڑھ میں ممنوعہ تنظیم مولواسی بچاؤ منچ (ایم بی ایم) کی طرف سے شورش کی سرگرمیوں کو فروغ دینے سے متعلق ایک معاملے میں مزید چار ملزمان کے خلاف چارج شیٹ داخل کی ہے ۔ تین ملزمین کی شناخت سنیتا پوٹم، شنکر موچاکی اور دشرتھ عرف دسرو موڈیم کے طور پر کی گئی ہے ، جو کمیونسٹ پارٹی آف انڈیا (مارکسسٹ) کی فرنٹ تنظیم ایم بی ایم کے عہدیدار تھے ۔ چوتھا ملزم ملیش کنجم سی پی آئی (ایم) کا مسلح کیڈر ہے اور ابھی تک مفرور ہے ۔ قابل ذکر بات یہ ہے کہ چھتیس گڑھ حکومت نے چھتیس گڑھ اسپیشل پبلک سیکورٹی ایکٹ کے سیکشن 3(1) کے تحت ایم بی ایم پر گزشتہ سال اکتوبر میں پابندی لگا دی تھی۔ این آئی اے کی تحقیقات کے مطابق چار ملزمین سی پی آئی (ایم) کے لیے فنڈز جمع کرنے ، ذخیرہ کرنے اور تقسیم کرنے میں ملوث تھے ۔
