نئی دہلی: وزیر دفاع راج ناتھ سنگھ نے ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) سے کہا ہے کہ وہ تیزی سے ترقی کرتے ہوئے ٹیکنالوجی کے ‘ایکو سسٹم’ کے ساتھ رفتار قائم رکھتے ہوئے آگے بڑھتے رہیں اور بہترین مصنوعات تیار کریں۔ راج ناتھ سنگھ نے جمعرات کو یہاں ڈی آر ڈی او ہیڈکوارٹر کا دورہ کیا اور تنظیم کے 67 ویں یوم تاسیس کے موقع پر سینئر سائنس دانوں اور عہدیداروں سے بات چیت کی۔ وزیر مملکت برائے دفاع سنجے سیٹھ بھی ان کے ساتھ تھے ۔ وزیر دفاع نے مسلح افواج کو جدید ترین ٹکنالوجیوں اور آلات سے لیس کرکے ملک کی مقامی صلاحیتوں کو فروغ دینے اور نجی شعبے کے ساتھ تعاون کے ذریعے دفاعی شعبے کو مضبوط بنانے کے لیے ڈی آر ڈی او کی تعریف کی۔2025 کو ‘اصلاحات کا سال’ قرار دینے پر وزیر دفاع نے کہا کہ ڈی آر ڈی او طے شدہ نشانوںکو حاصل کرنے میں اہم کردار ادا کرے گا۔ انہوں نے ڈی آر ڈی او پر زور دیا کہ وہ تیزی سے ترقی کرتے ہوئے تکنیکی ماحولیاتی نظام کے ساتھ ہم آہنگی کے ساتھ آگے بڑھیں اور بدلتے وقت کے تقاضوں کے مطابق مصنوعات ت
