کراچی۔ پاکستان کے کپتان بابر اعظم نے پیرکو نیوزی لینڈ کے خلاف سیریز کے پہلے ٹسٹ میں میزبان ٹیم کو نازک صورت حال سے بچانے کے لیے نصف سنچری بناکر کئی ریکارڈس قائم کردیے۔ اب ان کے پاس ایک کیلنڈر ایئر میں پاکستانی کی جانب سے سب سے زیادہ رنز بنانے اور ایک کیلنڈر سال میں سب سے زیادہ پچاس یا اس سے زیادہ رنز بنانے کا ریکارڈ ہے ۔ پاکستانی کپتان نے ایک پاکستانی بیٹرکی جانب سے سب سے زیادہ رنز بنانے کا 16 سال پرانا ریکارڈ توڑ دیا۔ نیوزی لینڈ کے خلاف ابتدائی ٹسٹ کی پہلی اننگز میں محمد یوسف کا انہوں نے ریکارڈ توڑ دیا ۔ اب ان کے پاس پاکستانی بیٹر کی طرف سے ایک کیلنڈر سال میں سب سے زیادہ رنز بنانے کا ریکارڈ ہے، بابر نے 2006 میں محمد یوسف کے مجموعی 2435 رنزکو پیچھے چھوڑ دیا۔ تیسرے نمبر پر سعید انور ہیں جنہوں نے 1996 میں 43 میچوں میں 2296 رنز بنائے تھے ۔ نصف سنچری کا مطلب یہ بھی ہے کہ اب وہ ایک کیلنڈر سال میں سب سے زیادہ 50 یا اس سے زیادہ اسکورکرنے کا ریکارڈ رکھتے ہیں۔ یہ بابر کا 25 واں 50+ اسکور تھا، جس نے 2005 میں رکی پونٹنگ کے 24 کے ریکارڈ کو پیچھے چھوڑ دیا۔ اس سال ٹسٹ کرکٹ میں ٹیم کی متضاد قسمت کے باوجود، کپتان نو میچوں میں 1000 سے زیادہ رنز بنا کر ٹسٹ میں چمکے ہیں۔اس میچ میں بابر نے شاندار سنچری اسکور کی ہے۔
145 سالہ تاریخ کا انوکھا ریکارڈ
کراچی ۔ پاکستان اور نیوزی لینڈ کے درمیان کراچی میں پہلے ٹسٹ کے آغاز نے مردوں کی ٹسٹ کرکٹ کی 145 سالہ تاریخ میں نئے باب کا اضافہ کیا ہے جب میزبان ٹیم کی پہلی دو وکٹیں اسٹمپنگ پر گرگئیں۔ جیسے ہی عبداللہ شفیق اور شان مسعود کو ٹام بلنڈل نے پہلے سیشن میں اسٹمپ کیا، انہوں نے ایک ایسا کارنامہ انجام دیا جو مردوں کے ٹسٹ کرکٹ میں پہلے کبھی نہیں دیکھا گیا تھا ۔ کھیل کے طویل ترین فارمیٹ میں آؤٹ ہونے والے پہلی دو وکٹس اسٹمپنگ کے ذریعہ آوٹ کی گئی ہیں۔ نیوزی لینڈ کے نئے مقررکردہ کپتان ٹم ساؤتھی نے تجربہ کار بائیں ہاتھ کے اسپنر اعجاز پٹیل کو دن کے صرف چوتھے اوور میں بولنگ میں متعارف کروایا اور اس اقدام نے تقریباً فوری طور پر فائدہ اٹھایا جب شفیق کو بلنڈل نے سات رنز پر آؤٹ کردیا۔ پھر صرف تین اوورزکے بعد کیویز کو دوسری وکٹ ملی اور اس بار مسعود آوٹ ہوئے، بائیں ہاتھ کے کھلاڑی کو بلنڈل نے آف اسپن آل راؤنڈر مائیکل بریسویل کی گیند پر اسٹمپ کیا۔ یہ مجموعی طور پر صرف دوسری بار ہوا ہے، 1976 میں جمیکا میں آسٹریلیا اور ویسٹ انڈیز کے درمیان خواتین کا ٹسٹ میچ بھی دو اسٹمپنگ آؤٹ کے ساتھ شروع ہوا تھا۔ بریسویل نے اس کے فوراً بعد بائیں ہاتھ کے عام طور پر قابل اعتماد بیٹر امام الحق کو آؤٹ کیا ۔ پاکستانی اوپنر کیچ آؤٹ ہوئے جس نے نیوزی لینڈ کو ٹسٹ میچ اور سیریز کا شاندار آغاز فراہم کیا۔کراچی ٹسٹ کے پہلے دن پاکستان نے کپتان بابر کی ناقابل تسخیر سنچری(161 ) اور سرفراز احمد کی نصف سنچری (86 ) کی بدولت 317/5 رنز اسکور کئے ہیں۔نیوزی لینڈ کیلئے اعجاز اور بریسویل نے دو وکٹس لئے۔
