حیدرآباد۔8 جنوری(یواین آئی)تلنگانہ کے کریم نگرضلع کے تماپورمنڈل میں واقع آبپاشی کے دفتر میں چوری کی واردات پیش آئی۔چوروں نے عمارت میں داخل ہوکر کمپیوٹرس اور اہم فائلس کی چوری کرلی۔اتوار ہونے کے سبب دفتر میں کوئی بھی موجود نہیں تھا۔جب نائٹ ڈیوٹی کیلئے شام میں واچ مین دفترپہنچا تواس نے دیکھا کہ قفل ٹوٹا ہوا ہے اور کمپیوٹرس کے ساتھ ساتھ اہم فائلس غائب ہیں۔اس نے فوری طورپر اس بات کی اطلاع محکمہ آبپاشی کے عہدیداروں کو دی جنہوں نے وہاں پہنچ کرصورتحال کا جائزہ لیا اور پولیس کو چوکس کیاجس کے بعد پولیس وہاں پہنچی۔پولیس نے دفتر کی عمارت کا معائنہ کیا۔پولیس کو پتہ چلا کہ دفترمیں لگائے گئے سی سی ٹی وی کیمرے کام نہیں کررہے ہیں۔پولیس نے بتایا کہ چوروں نے پانچ کمپیوٹرس کے بشمول وائی فائی کلکٹنگ ڈاٹااورفرنیچر کی چوری کی گئی ہے ۔
