حیدرآباد۔29 اپریل(سیاست نیوز) گاندھی ہاسپٹل میں کوڈ 19کے زیر علاج 100 بچوں اور بچیوں میں ڈاکٹروں نے ایک 2 سالہ چھوٹی بچی کی زندگی بچائی ، جس کے بچ جانے کا صرف 50 فیصد امکان تھا جب اسے دواخانہ میں داخل کرایا گیا تھا کیونکہ اس بچی کو سومی کینسر اور انٹروسسیپشن کے ایک سنگین کیس کے ساتھ دواخانہ میں داخل کیا گیا اور اس کا بیک وقت دونوں کے لئے علاج کیا گیا۔ بچی مکمل صحت یاب ہو گئی ہے۔ اس کا نیلوفر اسپتال میں پوسٹ آپریٹو علاج ہوا اور اسے بھی ڈسچارج کردیا گیا۔میڈیا سے بات کرتے ہوئے گاندھی اسپتال کے ایک ڈاکٹر جس نے چھوٹی بچی کا علاج کیا نے کہا ، انہیں کینسر ہونے کا شبہ تھا۔ اسے نیلوفر اسپتال لایا گیا ، جہاں کوویڈ 19 میں بھی ان کا ٹسٹ لیا گیا۔
