دہلی یونیورسٹی کے 98 ویں کانووکیشن کی تقریب میں وزیر دفاع راج ناتھ سنگھ نے ہفتہ کو دعویٰ کیا کہ ہندوستان دنیا کا ‘واحد ملک’ ہے جس نے کبھی بھی دوسرے ممالک پر حملہ نہیں کیا اور نہ ہی ایک انچ زمین پر قبضہ کیا۔ تقریب کے مہمان خصوصی کی حیثیت سے اپنے خطاب کے دوران راج ناتھ نے کہا کہ ہندوستان کی طاقت دنیا کی بھلائی کے لیے ہے اور کسی کو ڈرانے کے لیے نہیں۔ کانووکیشن کے دوران 1,73,443 طلباء کو ڈیجیٹل ڈگریاں دی گئیں۔ راجناتھ نے کہا، ’’ہمارا خواب ہندوستان کو جگت گرو بنانا ہے۔ ہم ملک کو طاقتور، خوشحال، علمی اور قابل قدر بنانا چاہتے ہیں۔ بھارت واحد ملک ہے جس نے کبھی کسی دوسرے ملک پر حملہ نہیں کیا اور نہ ہی اپنی ایک انچ زمین پر قبضہ کیا۔
