صنعاء : یمن میں تعمیر نو اور بحالی کے لیے کام کرنے والے سعودی ‘تعمیر نو’ پروگرام کے ایک عہدیدار کا کہنا ہے کہ ان کا گروپ گذشتہ دنوں عدن کے ہوائی اڈے پر ہوئے حملے کے بعد ہوائی اڈے کو فوری طور پر بحال کرنے کے لیے کام کرے گا۔سعودی عرب کے تعمیر نو پروگرام کی طرف سے جاری کردہ ایک بیان میں کہا گیا ہے کہ عدن ہوائی اڈے پر حملے کے بعد عارضی طور پر پروازیں معطل ہیں تاہم تعمیر نو پروگرام دوسرے اداروں اور یمنی حکومت کے ساتھ مل کر ہوائی اڈے کی مرمت اور اس کی بحالی کے لیے فوری کام شروع کرے گا۔خیال رہے کہ جمعرات کے روز یمنی وزارت خارجہ کی طرف سے جاری کردہ ایک بیان میں کہا گیا تھا کہ عدن ہوائی اڈے پرحملے میں ایرانی حمایت یافتہ حوثی باغی ملوث ہیں۔ وزارت خارجہ کا کہنا تھا کہ حوثی باغیوں نے تعز گورنری کے شمال مشرقی علاقے الجند سے ہوائی اڈے پر چار میزائل داغے تھے۔
