اے بی پی بیوز پر اینکر روبیکا لیاقت نے ماسٹر اسٹروک پروگرام کے دوران چیف منسٹر کے چندرشیکھر راؤ سے استفسار کیاکہ وہ متحدہ عرب امارات کے ولی عہد شیخ زاہد بن النہیان سے سبق سیکھیں کہ کس طرح مملکت یا ریاست کی بیٹیوں کا احترام کیاجاتا ہے۔
اس پروگرام کے دوران روبیکا نے بتایا کہ متحدہ عرب امارات کے قوم دن کے موقع پر جب ایک معصوم بچی ولی عہد سے ہاتھ ملانے کی خواہش کے ساتھ بچوں کی قطار میں کھڑی ہونے کے باوجود ولی عہد سے مصافحہ کرنے کاموقع نہ ملنے پر مایوس ہوگئی۔
معصوم کی مایوسی کا ایک ویڈیوجب سوشیل میڈیاپر وائیرل ہوا اور اس کی یہ ویڈیو جب ولی عہد کی نظروں سے گذرا تو اپنی فراخدلی اور حسن سلوک کے لئے دنیا بھر میں مقبول زاہد النہیان نے معصوم کے گھر پہنچ کر اس کی خواہش پوری کی۔
اس واقعہ کو مثال کے طور پر پیش کرتے ہوئے اینکر نے چیف منسٹر کے چندرشیکھر راؤ سے سوال کیاکہ ان کی رہائش گاہ سے محض پچیس کیلومیٹر کے فاصلے پر ایک حیوانات کے ڈاکٹر کی اجتماعی عصمت ریزی او رقتل کردیاگیا۔
چیف منسٹر اب تک نہ تو متاثرہ کے گھر جاکر پسماندگان سے ملاقات کی اور نہ ہی ایک بیان کے ذریعہ واقعہ کی مذمت کرتے ہوئے پسماندگان سے اظہار یگانگت پیش کیا۔ پیش ہے ویڈیو ضرور دیکھیں
