نئی دہلی : اگر آپ کا پین کارڈ نہیں بنایا گیا ہے، تو اب آدھار کے ذریعہ چند گھنٹوں میں ڈیجیٹل پین کارڈ آسانی سے تیار ہو جائے گا۔ جس کی وجہ سے لوگوں کو پین کارڈ کے لیے زیادہ دیر انتظار نہیں کرنا پڑے گا۔ آدھار کارڈ کی طرح ، پین کارڈ ایک اہم دستاویز ہے، جسے بینک اکاؤنٹ کھولنے سے لے کر کئی جگہوں پر استعمال کیا جاتا ہے۔ پین کارڈ کا ریکارڈ محکمہ انکم ٹیکس کے پاس ہے ، جو لوگوں کی مالی معلومات پر نظر رکھتا ہے۔ اس دستاویز کی عدم موجودگی میں آپ کئی سرکاری اسکیموں کے فوائد سے بھی محروم رہ سکتے ہیں۔ Fino Payments Bank کی جانب سے ایک نئی سروس شروع کی گئی ہے، جس کے ذریعہ اب چند گھنٹوں میں ڈیجیٹل پین کارڈ حاصل کیا جا سکتا ہے۔ اس کے لیے صرف آدھار کی تصدیق کی ضرورت ہوگی۔
