ہفتہ کے روز اردو کے نامور شاعر منور رانا نے ایودھیا زمین تنازعہ کیس سے متعلق سپریم کورٹ کے فیصلے کا خیرمقدم کیا اور کہا کہ انہیں یقین ہے کہ ہندوستان امن اور ترقی کی طرف آگے بڑھے گا۔
اے این آئی سے بات کرتے ہوئے رانا نے کہا: “میں آج کے فیصلے کو سلام پیش کرتا ہوں۔ بابری مسجد ایک سیاسی مسئلہ بن گیا تھا لیکن آج یہ معاملہ اختتام کو پہنچا ہے اور مجھے ایک بہت ہی آسان اور ایماندارانہ انداز میں کہنا چاہئے ، مجھے یقین ہے کہ ملک امن اور ترقی کی طرف آگے بڑھے گا۔
ہفتہ کے روز سپریم کورٹ نے مرکزی حکومت کو ہدایت کی کہ وہ ایک مندر کی تعمیر کے لئے ایودھیا میں متنازعہ زمین کےلیے ٹرسٹ بنا کر اسکے حوالے کرے اور یہ سب کام اپنی نگرانی میں کرے۔
عدالت عظمی نے مرکزی حکومت کو مزید ہدایت دی کہ وہ پانچ ایکڑ رقبے کی اراضی کا ایک مناسب پلاٹ سنی وقف بورڈ کے حوالے کرے۔
چیف جسٹس رنجن گوگوئی کی سربراہی میں پانچ ججوں کے آئین بنچ نے اور جس میں جسٹس ایس اے بوبڈے ، ڈی وائی چندرچوڈ ، اشوک بھوشن اور ایس عبد النذیر پر مشتمل الہ آباد ہائی کورٹ کے اس حکم کے خلاف درخواستوں کے بیچ پر یہ حکم منظور کیا ۔