موہالی۔ آسٹریلیائی کپتان پیٹ کمنز نے جمعرات کو مچل اسٹارک اور گلین میکسویل کی واپسی میں تاخیر کی تصدیق کرتے ہوئے ایک لمبی فہرست کا حوالہ دیا۔ دونوں کھلاڑی جمعہ کو موہالی میں ہندوستان کے خلاف پہلا میچ نہیں کھیل پائیں گے۔ آسٹریلیا تین میچوں کی سیریز کے لیے 18 رکنی اسکواڈ کے ساتھ ہندوستان پہنچا ہے جو ان کی آخری ورلڈ کپ مشق ہوگی۔آسٹریلیا نے اسٹارک اور میکسویل دونوں کو ہندوستان کے دورے کے لیے اپنی ٹیم میں شامل کیا ہے، خاص طور پر اسٹارک موہالی میں پنجاب کرکٹ اسوسی ایشن میں فٹنس مشقیں کر رہے تھے۔ اسٹارک نے آخری ونڈے میچ اس وقت کھیلا تھا جب آسٹریلیا نے اس سال کے شروع میں تین میچوں کی ونڈے سیریز کے لیے ہندوستان کا دورہ کیا تھا۔ آسٹریلیا نے سیریز 2-1 سے جیتی تھی ۔پریس کانفرنس میں کمنز نے کہا ہمارے پاس مختلف مراحل میں کافی لوگ موجود ہیں۔ میں کافی اچھا محسوس کر رہا ہوں، میری کلائی اب بالکل ٹھیک ہو گئی ہے۔
