حیدرآباد۔ایک مرتبہ کی آئی پی ایل جیتنے والی فرنچائز سن رائزرس حیدرآباد نے ویسٹ انڈیز کے سابق عظیم بیٹسمین برائن لارا کو ٹیم کا اسٹریٹجک مشیر اور بیٹنگ کوچ مقررکیا ہے ۔لارا نے فرنچائز کے نئے اسپورٹ اسٹاف میں شمولیت اختیارکی ہے ، جس میں سابق ہندوستانی کرکٹر ہیمانگ بدانی کو فیلڈنگ کوچ اور اسکاؤٹ دو ذمہ داریاں دی گئی ہیں۔ ساتھ ہی جنوبی افریقہ کے سابق فاسٹ بولر ڈیل اسٹین بولنگ کوچ کے طور پر ٹیم میں شمولیت اختیار کریں گے ۔ اسٹین، لارا اور بدانی کے علاوہ حیدرآباد فرنچائز نے آسٹریلیائی کوچ سائمن کیٹچ کو اسسٹنٹ کوچ کے طور پر شامل کیا ہے ۔ کیٹچ نے حال ہی میں ذاتی وجوہات کی بنا پر آئی پی ایل2021 کے یو اے ای لیگ سے دستبردار ہونے سے پہلے رائل چیلنجرز بنگلور (آر سی بی) کے ہیڈ کوچ کا عہدہ سنبھالاتھا۔46 سالہ کیٹچ ہم وطن بریڈ ہیڈن کی جگہ لیں گے جو اس سے قبل حیدرآباد کے اسسٹنٹ کوچ تھے ۔اس کے ساتھ ہی حال ہی میں انگلینڈ کو ورلڈ چمپئن بنانے والے کوچ ٹریور بیلس کو ٹیم کا ہیڈ کوچ بنایاگیا۔ ان کی جگہ ٹام موڈی کو اس کی ذمہ داری سونپی گئی ہے ،جنہیں ٹیم کا کرکٹ ڈائریکٹر مقررکیا گیا ہے ۔ حیدرآباد کی ٹیم میں اسپورٹ اسٹاف میں بڑے پیمانے پر تبدیلی2021 کے آئی پی ایل سیزن میں مایوس کن کارکردگی کے پیش نظرکی گئی ہے ، جس میں ٹیم جدول میں سب سے نیچے رہی۔واضح رہے کہ وی وی ایس لکشمن کو بنگلورو میں نیشنل کرکٹ اکیڈمی کے سربراہ کا عہدہ ملنے کے بعد حیدرآباد کے مشیر کا عہدہ چھوڑنا پڑا تھا۔ تاہم حیدرآباد نے اپنے معاون عملے میں متھیا مرلی دھرن کو برقرار رکھا۔ سری لنکا کے لیجنڈری اسپنر، جو اب تک فرنچائز کے مشیر کے طور پر خدمات انجام دے رہے تھے ان کو حکمت عملی بنانے اور اسپن بولنگ کوچ کے طور پر ٹیم میں شامل کیا گیا ہے ۔
ویسٹ انڈیز ٹی20 سیریز،انگلش ٹیم کا اعلان
لندن۔ بولنگ آل راؤنڈر جارج گارٹن اور بائیں ہاتھ کے فاسٹ بولرڈیوڈ پینے پہلی مرتبہ ٹیم میں شامل کیا گیاہے جیسا کہ انگلینڈ نے جمعرات کو ویسٹ انڈیز کے خلاف پانچ میچوں کی ٹی ٹوئنٹی سیریزکے لیے16کھلاڑیوں پر مشتمل اسکواڈ کا اعلان کیا۔ایان مورگن کی قیادت میں اسکواڈ میں گیارہ کھلاڑی شامل ہیں جنہوں نے اس سال کے شروع میں آئی سی سی مینز ٹی ٹوئنٹی ورلڈ کپ میں حصہ لیا تھا۔پال کالنگ ووڈ پانچ میچوں کی سیریز کے لیے انگلینڈ کے کارگزار ہیڈ کوچ کی ذمہ داریاں سنبھالیں گے۔سیریز بارباڈوس کے کینسنگٹن اوول میں 22 سے 30 جنوری تک کھیلی جائے گی جبکہ مارکس ٹریسکوتھک کو اسسٹنٹ کوچ کے طور پر نامزد کیا گیا ہے۔سیریز کے کالنگ ووڈ کوچ نے آئی سی سی مینز ٹی 20 ورلڈ 2022 کی تیاری کو ذہن میں رکھتے ہوئے انتخاب کے پیچھے فیصلے کی وضاحت کی۔انہوں نے کہا کہ ہم نے کچھ سنجیدہ بیٹنگ کی طاقت اور توازن کے ساتھ ایک مضبوط اسکواڈ کا انتخاب کیا ہے کیونکہ ہم آسٹریلیا میں ٹی20 ورلڈ کپ سے قبل تیاری شروع کر رہے ہیں۔کالنگ ووڈ نے 2010 کے ورلڈ کپ میں انگلینڈ کو فتح دلائی تھی۔ورلڈ کپ میں ایک سال سے بھی کم وقت رہ گیا ہے اور ایشز اسکواڈ میں شامل کھلاڑیوں کی غیر موجودگی میں اسکواڈ کے لیے مواقع بڑھیں گے۔ میری بارباڈوس میں ورلڈ کپ جیتنے کی اچھی یادیں ہیں اور میں واقعی اس کا انتظار کررہا ہوں۔ اسکواڈ: ایان مورگن (کپتان)، معین علی، ٹام بینٹن، سیم بلنگز، لیام ڈاسن، جارج گارٹن، کرس جارڈن، لیام لیونگ اسٹون، ثاقب محمود، ٹائیمل ملز، ڈیوڈ پینے، عادل راشد، جیسن رائے، فل سالٹ، ریس ٹوپلی اور جیمز ونس۔
