نیویارک : امریکہ میں تمام پروازیں ایئر مشن کے نوٹس سسٹم میں خرابی کی وجہ سے چہارشنبہ کو رک گئیں۔ نیویارک ٹائمز کے مطابق اب تک 3,578 پروازیں تاخیر کا شکار ہو چکی ہیں۔ 450 ملکی اور بین الاقوامی فلائٹس منسوخ کر دی گئی ہیں۔ امریکی تاریخ میں اس قسم کا یہ پہلا واقعہ ہے۔معاملہ کتنا سنگین ہے، اس کا اندازہ اس بات سے لگایا جاسکتا ہیکہ اس معاملے پر وائٹ ہاؤس میں ہنگامی اجلاس ہوا۔ صدر بائیڈن نے سکریٹری ٹرانسپورٹ سے رپورٹ طلب کر لی ہے۔بعد میں میڈیا سے گفتگو میں بائیڈن نے کہا کہ تمام طیارے محفوظ لینڈنگ کر سکتے ہیں۔ ہاں، یہ حقیقت ہیکہ ہم انہیں ابھی ٹیک آف کی اجازت نہیں دے سکتے۔ فی الوقت یہ کہنا بھی مشکل ہیکہ اس بڑے مسئلے کی وجہ کیا ہے۔ ہم امید کرتے ہیں کہ چند گھنٹوں بعد ہمیں اس بارے میں تفصیلی معلومات مل جائیں گی۔ میں خود اس معاملے کی نگرانی کررہا ہوں۔ وائٹ ہاؤس نے کہاکہ یہ سائبر حملہ کی وجہ سے نہیں ہوا ہے۔ این بی سی نیوز نے وائٹ ہاؤس کی پریس سکریٹری کیرن جین پیئر کے حوالے سے بتایاکہ ٹرانسپورٹیشن سکریٹری نے صدر بائیڈن سے ملاقات کی تھی۔ انہوں نے صدر کو اس مسئلہ سے آگاہ کیا ہے۔ اب تک کی تحقیقات کی بنیاد پر ہم کہہ سکتے ہیں کہ یہ سائبر حملے کا معاملہ نہیں ہے لیکن صدر نے اس معاملے کی مکمل اور سنجیدگی سے تحقیقات کا حکم دیا ہے۔ آج فلائیٹس رک جانے کے سبب 20 ملین ڈالر کے نقصان کا خطرہ ہے۔ چہارشنبہ کو امریکہ سے جملہ 21 ہزار پروازیں ٹیک آف کرنے والی تھیں۔ زیادہ تر اندرون ملک پروازیں تھیں۔ ان کے علاوہ 1,840 بین الاقوامی پروازیں امریکہ میں اترنے والی تھیں۔ سسٹم کی خرابی ان پر بھی اثر انداز ہو رہی ہے۔ تاہم، یہ تمام پروازیں منسوخ یا تاخیر کا شکار ہوگئی ہے۔ دیکھنا ہیکہ تکنیکی خرابی کتنی دیر تک جاری رہتی ہے یا اسے مکمل طور پر بحال ہونے میں کتنا وقت لگتا ہے۔ اگر اس خرابی کو جلد ٹھیک نہ کیا گیا تو امریکہ کو تقریباً 20 ملین ڈالر کا نقصان ہو سکتا ہے۔ ایک اندازہ کے مطابق 2 دن میں اندرون ملک پروازیں معمول پر آجائیں گی۔ این بی سی کے ایوی ایشن تجزیہ کار کیپٹن جان کاکس نے کہا کہ اس کیس نے کئی تلخ سچائیوں کو بے نقاب کیا ہے۔
ہمیں ابھی بھی بہت سی بہتری کی ضرورت ہے۔میرے مطابق اندرون ملک پروازیں جمعرات کی رات یا جمعہ تک معمول پر آئیں گی۔ فرض کریں کہ اگر کوئی طیارہ نیویارک میں پھنس گیا ہے اور اسے 4 گھنٹے بعد لاس اینجلس پہنچنا ہے تو اس میں کئی گھنٹے کی تاخیر ہوگی۔ ظاہر ہے اس سے فلائٹ کا پورا شیڈول بگڑ جائے گا۔ اب ہمیں پورے نظام کا تجزیہ کرنا ہے۔فیڈرل ایوی ایشن ایجنسی نے ایک ایڈوائزری جاری کی۔ کہا- NOTAM (ایئر مشن کو نوٹس) سسٹم ‘ناکام’ ہو گیا ہے۔ ہم یہ نہیں کہہ سکتے کہ یہ کب ٹھیک ہوگا۔ تاہم اسے جلد ٹھیک کرنے کی کوششیں جاری ہیں۔این بی سی نیوز کے مطابق امریکی وقت کے مطابق یہ تکنیکی خرابی صبح 5.31 بجے سامنے آئی۔ تاہم ابھی تک یہ واضح نہیں ہو سکا کہ اس کی وجہ کیا ہے۔ ایوی ایشن کی ویب سائٹ پر کہا گیا کہ تکنیکی عملہ سسٹم کی مرمت میں مصروف ہے۔
