جموں، 3 اکتوبر (یواین آئی) کانگریس، نیشنل کانفرنس، پیپلز ڈیموکریٹک پارٹی اور نیشنل پینتھرس پارٹی انڈیا نے اعلان کیا کہ وہ انڈیا اتحاد کی ملک گیر مہم کے پہلے مرحلے کے تحت 7 اکتوبر کو مشترکہ طور پر ‘جمہوریت بچاؤ’ مارچ نکالیں گی۔پارٹی قائدین نے کہا کہ ووٹ چوری کے الزامات اٹھانے اور چیف الیکشن کمشنر گیانیش کمار کو عہدے سے ہٹانے 4 سے 8 اکتوبر کے درمیان جموں و کشمیر کے مختلف اضلاع میں بھی احتجاجی مارچ نکالے جائیں گے ۔ریاستی کانگریس ہیڈکوارٹر راجیو بھون میں مشترکہ پریس کانفرنس میں کانگریس، نیشنل کانفرنس اور پی ڈی پی کے سینئر رہنماؤں نے 2 اکتوبر، گاندھی جینتی کے موقع پر ”جمہوریت بچاؤ” کے بینر تلے شروع کی گئی ملک گیر مہم کے پہلے مرحلے کے تحت جموں میں احتجاج کا اعلان کیا۔اس سے قبل 30 ستمبر کو نئی دہلی میں انڈیا اتحاد کے اجلاس میں کئے گئے فیصلوں کے مطابق جموں و کشمیر کے مختلف اضلاع میں احتجاجی پروگراموں کو حتمی شکل دینے انڈیا اتحاد کے سینئر رہنماؤں کی ایک میٹنگ ہوئی تھی ۔ میٹنگ میں جے کے پی سی سی کے کارگزار صدر رمن بھلا، سابق وزیر مولا رام، چیف ترجمان رویندر شرما اور جے کے این سی کے صوبائی صدر رتن لال گپتا سمیت دیگر رہنما شریک ہوئے ۔رہنماؤں نے کہا کہ ہم خیال اپوزیشن جماعتوں نے ووٹ چوری کے خلاف مشترکہ مہم چلانے کا فیصلہ کیا ہے ۔ انہوں نے انتخابی نظام میں ہیرا پھیری کا الزام لگاتے ہوئے گیانیش کمار کی قیادت میں الیکشن کمیشن کے کام کاج پر سوال اٹھائے ۔
