وزیراعظم مودی کے نکسل تبصرہ پر فلمسٹار کا سخت بیان
بنگلورو۔16؍اگست ( ایجنسیز) اداکار پرکاش راج نے وزیر اعظم مودی کے یوم آزادی کی تقریر کے دوران کیے گئے دماغی نکسل کے تبصرے کو مسترد کرتے ہوئے اتوار 16 اگست کو کہا کہ یہ ان لوگوں کو نشانہ بنایا گیا ہے جو اختلاف ظاہر کرتے ہیں۔ پرکاش راج نے اپنا ایک ویڈیو شروع کرتے ہوئے کہاکہ کل یوم آزادی پر ہم نے دو لوگوں کو کام کرتے دیکھا۔ انہوں نے مودی کا حوالہ دیتے ہوئے کہا کہ ایک سپریم لیڈر تھا اور دوسرا کاکروچ یا دماغی نکسلائٹس۔ پرکاش راج کے مطابق مودی نے آخرکار قبول کر لیا کہ جو لوگ حکومت سے سوال پوچھتے ہیں اور اختلاف ظاہر کرتے ہیں وہ نکسلائٹس کی کسی نہ کسی شکل میں ہوتے ہیں۔ پرکاش راج نے کہا کہ انہیں شہری نکسل، دیش۔ویرودھی (ملک دشمن)، کیڑے یعنی کاکروچ کا نام دینے کے بعد اب ا نہوں نے ایک عنوان دیا ہے دماغی نکسل۔ کاکروچ رضاکار سرکاری اسکولوں کا دورہ کرکے ان کے بنیادی ڈھانچے کی حالت کو ظاہر کررہے ہیں ۔ اب عوام کو فیصلہ کرنا ہیکہ کس کی حمایت کرنی ہے۔ انہوں نے تجویز پیش کی کہ ’’دماغی بناؤ‘بیوقوف نہیں ‘ سوال کرو‘ غلامی نہیں۔ انہوں نے مودی سے کہا کہ وہ لال قلعہ کو تقریبات کیلئے ایک یادگار کے طور پر استعمال کرنا بند کریں اور اس کے بجائے ملک کو درپیش حقیقی مسائل پر توجہ مرکوز کریں۔
